Wednesday, 21 February 2018

WATUMISHI 33 WALIPWA MADENI YAO MKALAMA



Serikali ya Jamhuri ya Muungano wa Tanzania mwezi huu imefanikiwa kulipa madeni ya mishahara ya watumishi 33 wa Halmashauri ya Wilaya ya Mkalama ambapo katika awamu hii ya kwanza  Jumla ya fedha yote iliyolipwa kwa watumishi hao ni shilingi milioni 104,118,800.00.

Hapo chini nimekuwekea orodha ya watumishi hao ambapo pia orodha hiyo unaweza kuipakua kupitia tovuti yetu ya www.mkalamadc.go.tz



SN

Fullname
1

Daniel Richard Tesha
2

Male Mathias Samson
3

Agatha L Burra
4

Daniel Kimani Mollel
5

Geofrey  George
6

John ELISHA Njoghomi
7

Simon Saigilu Mollel
8

Rose WILLGEOFREY Kibakaya
9

Rosemary David Mahimbo
10

Rehema PAULO Shukia
11

Mselem OMARI Athumani
12

Michael B Nuwas
13

Maria Maghogho Nathanael
14

John ELISHA Njoghomi
15

Amina Philipo Mlowasa
16

Eliufoo  Y Lyimu
17

GODFREY YESSE MUDE
18

Judith Mbuva Respince
19

Justine Justine John
20

Lendo Mepalari Memoy
21

Mafuru  Aspenas Magesa
22

MEDADI EMMANUEL SAMBAYA
23

Philly Enos Nyawade
24

Ronjino Patrick Ludege
25

Shabani  Nyambi Hamisi
26

Zainabu Saidi Zomboko
27

Ephraim KAPHILIMBI Shilla
28

Paul Julius Lwampamba
29

Werus Apolo Ngumba
30

Asifiwe Abasi Mwalongo
31

REHEMA RAMADHANI NKONGA
32

Hadija Ally Kidahu
33

Raymond MGETA Mgeta Majula

Wednesday, 7 February 2018

Serikali inatekeleza-Sanga

Mkurugenzi Mtendaji wa Halmashauri ya Wilaya ya Mkalama Mhandisi Godfrey Sanga akikagua ubora wa matofali yanayotumika kujengea Miundombinu ya Kituo cha Afya cha Kinyambuli mapema leo

Mkurugenzi Mtendaji wa Halmashauri ya Wilaya ya Mkalama Mhandisi Godfrey Sanga akitoa maelekezo kwa mafundi wanafyatua matofali yanayotumika kujengea Miundombinu ya Kituo cha Afya cha Kinyambuli mapema leo.




“Jana Halmashauri ya Wilaya ya Mkalama imepokea fedha kwa ajili ya kumalizia miundombinu yote ya Zahanati za Kidarafa, Milade na Nduguti hivyo muda si mrefu tutafungua Zahanati hizo na  Wananchi wa maeneo hayo wataanza kupata huduma zote stahiki za kiafya”

Hiyo ni kauli iliyotolewa na Mkurugenzi Mtendaji wa Halmashauri ya Wilaya ya Mkalama Mhandisi Godfrey Sanga alipokuwa katika kijiji cha Kinyambuli kukagua ujenzi wa Kituo bora na cha Kisasa cha Afya Unaoendelea kijijini hapo.

Mradi huo unaogharimu kiasi cha Shilingi milioni 700 unatarajiwa kukamilika ifikapo Mwezi Aprili Mwaka huu ambapo jumla ya Shilingi milioni 400 zilipokelewa na Halmashauri ya Wilaya  na Kuhamishiwa  katika akaunti ya Serikali ya Kijiji hicho ili kurahisisha utekelezaji wa mradi huo kwa wakati.

“Shilingi Milioni 300 zilizobaki zitatumika kwa ajili ya ununuzi wa vifaa tiba na dawa ambapo tayari tumeshazielekeza Bohari Kuu ya Dawa (MSD) ili pindi tu Kituo kitakapokamilika huduma ianze mara moja” Alisisitiza Sanga.

Sanga alibainisha faida kadhaa ambazo wananchi wa Wilaya ya Mkalama kwa ujumla watanufaika nazo baada ya kukamilika kwa kituo hicho ikiwa ni pamoja na kusogezewa karibu huduma muhimu na za lazima ikiwemo ile ya Kuhifadhi Maiti na Kufanya Upasuaji ambapo Wananchi wa Mkalama wanalazimika kwenda mpaka hospitali ya Hydorm kwa ajili ya kupata huduma hizo.

“Lakini pia ninapenda kuwajulisha kuwa katika mwaka  ujao wa Fedha Halmashauri inakusudia kuanza ujenzi wa Hospitali ya Wilaya ambapo tayari eneo la kujenga hospitali hiyo limeshatengwa na kinachosubiriwa ni Fedha tu kwa ajili ya kuanza Utekelezaji wa Ujenzi wa Hospitali hiyo”  Aliongezea Sanga.

Mpaka kufika mwezi Juni mwaka huu Halmashauri ya Wilaya ya Mkalama inatarajiwa kupiga hatua kubwa katika sekta ya Afya baada ya kukamilika kwa wodi ya wazazi ya Zahanati ya Nduguti, Vifaa tiba na miundombinu yote katika zahanati ya Milade na Kidarafa na Ujenzi wa Majengo ya Chumba cha Upasuaji, wodi ya Wazazi, Maabara ya Kisasa, Chumba cha Kuhifadhia Maiti na Nyumba bora ya Watumishi wa kituo hicho.

Ni marufuku kuchukua chakula shuleni- Masaka

Katibu Tawala wa Wilaya ya Mkalama Bi Elizabeth Rwegasira akimwaga mchanganyiko wa Saruji na Kokoto kama ishara ya Ujenzi wa Nyumba ya Watumishi wa Kituo cha Afya cha Knyambuli

Mkuu wa Wilaya ya Mkalama Mhe. Mhandisi Jackson Masaka akichanganya kokoto na saruji kwenye ujenzi wa Maabara ya Kituo cha Afya cha Kinyambuli ikiwa ni  sehemu ya  Maadhimisho ya Miaka 41 ya Chama cha Mapinduzi.

Mgeni Rasmi wamaadhimisho ya 41 ya kuzaliwa Chama cha Mapinduzi ambaye pia ni Mkuu wa Wilaya ya Mkalama Mhe. Mhandisi Jackson Masaka akijenga ukuta wa Chumba cha Wodi ya Wazazi ya Kituo cha Afya cha Kinyambuli ikiwa ni  sehemu ya  Maadhimisho hayo yaliyofanyika katika kijiji cha Kinyambuli leo.

Mkuu wa Wilaya ya Mkalama Mhe. Mhandisi Jackson Masaka akishindilia kokoto kwenye sakafu ya Nyumba ya watumishi wa Kituo cha Afya cha Kinyambuli ikiwa ni sehemu ya  Maadhimisho ya Miaka 41 ya Chama cha Mapinduzi.

Mkuu wa Wilaya ya Mkalama Mhe. Mhandisi Jackson Masaka akimkabidhi mmoja wa wazee wa kijiji cha Kinyambuli Mche wa Sabuni ikiwa ni sehemu ya  Maadhimisho ya Miaka 41 ya Chama cha Mapinduzi.




‘’Una Chakula kitamu kiasi gani nyumbani kwako mpaka mtoto wako asile na wenzake shuleni?’’

Hilo ni swali lililoulizwa na Mkuu wa Wilaya ya Mkalama Mhe. Mhandisi Jackson Masaka alipoalikwa na Chama Cha Mapinduzi (CCM) kuwa Mgeni Rasmi kwenye maadhimisho ya miaka 41 tangu kuzaliwa kwa chama hicho yaliyofanyika Kiwilaya katika Kijiji cha Kinyambuli.

Mhe. Masaka amewasisitiza wazazi na walezi wote kuwa Msimamo wa Wilaya ya Mkalama ni watoto wote wapate chakula shuleni kwa sababu Wilaya imedhamiria kupandisha kiwango cha Ufaulu hivyo ni lazima wanafunzi watumie muda mwingi kufundishwa na kusoma shuleni.

‘’Mhe. Rais hajakataza michango shuleni  isipokuwa ameondoa jukumu la kukusanya michango hiyo kwa walimu ili wajikite zaidi kutoa taaluma na si vinginevyo hivyo ninaagiza kuanzia sasa ni marufuku kwa mzazi au mlezi kwenda shuleni kudai kurejeshewa chakula alichokuwa ametoa kwa ajili ya mtoto wake”. Amesisitiza Mhe. Masaka.

Katika hatua nyingine Mhe. Masaka amesema  kuwa Serikali ya Awamu ya tano imefanya mambo mengi sana na ya Msingi Wilayani Mkalama ikiwa ni pamoja na Ujenzi wa daraja la kisasa la Sibiti linalotarajiwa kukamilishwa hivi karibuni, Ujenzi wa madarasa, bwalo na mabweni katika shule ya Sekondari Iguguno uliyoifanya Shule hiyo kuwa ya kwanza kuwa na wanafunzi wa kidato cha tano na Uboreshaji wa Kituo bora na cha Kisasa cha Kinyambuli.

“Rai yangu kwenu wananchi wa Kinyambuli naomba muwe wazalendo juu ya mradi huu na msiukwamishe kwa namna yoyote kwa sababu pamoja na kuwanufaisha wakazi wote wa Mkalama, nyie mnabaki kuwa wanufaikaji wakuu kutokana na mradi huu kujengwa katika kijiji chenu” Amesisitiza Mhe. Masaka.

HALMASHAURI YA WILAYA MKALAMA